wo bhoolee daasataa, lo fir yaad aa gaee
najar ke saamane, ghataa see chhaa gaee

kahaa se fir chale aaye, ye kuchh bhatake huye saaye
ye kuchh bhoole huye nagme, jo mere pyaar ne gaaye
ye kuchh bichhadee huyee yaade, ye kuchh toote huye sapane
paraaye ho gaye to kyaa, kabhee ye bhee to the apane
n jaane inase kyo milakar najar sharamaa gaee

umeedon ke hasee mele, tamannaaoke wo rele
nigaahonne nigaahonse ajab kuchh khel the khele
hawaa mein julf laharaayee, najar pe bekhudee chhaee
khule the dil ke darawaaje, mohabbat bhee chalee aaee
tamannaaokee duniyaan par jawaanee chhaa gaee

bade rangee jamaane the, taraane hee taraane the
magar ab poochhataa hain dil  wo din the yaa fasaane the
fakata yek yaad hain baakee, bas yek fayraad hain baakee
wo khushiyaa loot gayee lekeen  dila-ye-barabaad hain baakee
kahaa thee jindagee meree, kahaa par aa gaee