sajan re zoothh mat bolo, khudaa ke paas jaanaa hain
naa haathee hain naa ghodaa hai, wahaa paidal hee jaanaa hain

tumhaare mahal  chaubaare, yahee rah jaayenge saare
akad kis baat kee pyaare, ye sar fir bhee zukaanaa hain

bhalaa kije bhalaa hogaa, buraa kije buraa hogaa
bahee likh likh ke kyaa hogaa, yahee sabakuchh chukaanaa hain

ladakapan khel mein khoyaa, jawaanee nindabhar soyaa
budhaapaa dekhakar royaa, wahee kissaa puraanaa hain