aap ke haseen rukh pe aaj nayaa noor hain
meraa dil machal gayaa to meraa kyaa kasoor hain
aap ke nigaah ne kahaa to kuchh jarur hain
meraa dil machal gayaa to meraa kyaa kasoor hain

khulee laton kee chhaanw mein khilaa khilaa ye rup hain
ghataa se jaise chhan rahee, subah subah kee dhoop hain
jidhar najar moodee, udhar surur hee surur hain

zookee zookee nigaah mein bhee hain balaa kee shaukhiyaan
dabee dabee hasee mein bhee tadap rahee hain bijaliyaan
shabaab aap kaa, nashe mein khud hee choor choor hain

jahaa jahaa pade kadam  wahaa fijaa badal gayee
ke jaise sarabasar bahaar aap hee mein dhal gayee
kisee mein ye kashish  kahaa jo aap mein hujoor hain